Foreldrafélag leikskólans hefur haft það að venju að halda viðburð að hausti sem nefnist Karnival en þá er leikskólastarfið brotið upp með einhverri uppákomu eða skemmtun. Í ár var Karnivalið með þeim hætti að trúður mætti á svæðið og hélt uppi fjörinu í salnum og eftir það gátu börn og foreldrar átt samverustund á kjarna barnsins. Börnin fengu ávaxtanammi og safa sem vakti mikla lukku og foreldrum gafst tími til að hittast, kynnast og spjalla saman ásamt því að skyggnast örlítið inn í leikskólalífið í Sjálandi.