Aldís hóf störf í Sjálandi í ágúst 2011. Aldís er kjarnastjóri á Rauðakjarna og nemi í leikskólabrú FG. Aldís hefur unnið við ýmis störf s.s. á leikskóla í 9 ár, verslunarstjóri í Vera Moda í 3 ár, aupair í Cananda og London í 1,5 ár og fleira. Áhugamál Aldísar eru að ferðast, skoða heiminn, fara í útilegur um landið og fleira. Aldís elskar að vera með börnunum sínum og gera margt skemmtilegt með þeim. Aldís stundar jafnframt mikla útiveru, snjóbretti og línuskauta.

Anna Rannveig hóf störf í Sjálandi í september 2010, hún er leikskólakennari að mennt og Montessori kennari. Anna hefur jafnframt sérhæfingu í myndmenntakennslu og hefur starfað í leikskólum í meira en áratug. Áhugamál hennar eru tónlist og myndlist. Mottó: Vil koma fram við aðra eins og ég vil að komið sé fram við mig.

Auður hóf störf í október 2009 og hefur gegnt ýmsum störfum á stoðkjarna í gegnum árin. Hún byrjaði sem atferlisþjálfi og starfar nú í sérkennsluteymi skólans. Auður er jafnframt sérfræðingur í Handbókinni okkar um jákvæðan aga. Samhliða starfinu á Sjálandi leggur Auður stund á nám í sálfræði og íslensku við Háskóla Íslands.

Helga Þóra hóf störf hjá okkur í apríl 2012 og starfar nú sem kjarnastjóri á Yngri kjarna. Hún hefur starfað við umönnun aldraða og við söng í kirkjukór. Mottó Helgu er Impossible is just an opinion, don't buy it.

Ída útskrifaðist sem leikskólakennari 2001. Árið 2002 kláraði hún nám í stjórnun frá Endurmenntun HÍ og IMG, einnig lauk hún MBA frá HÍ 2009. Ída hefur starfað í leikskólum síðan 1997, Lyngholti á Reyðarfirði, Seljaborg í Reykjavík og Hjalla í Hafnafirði. Ída hóf störf hjá okkur í ágúst 2005 sem leikskólastjóri. Ídu finnst frábært að fara á fjöll, spila blak, njóta samveru með fjölskyldu og vinum. Mottó Ídu er: Trúin flytur fjöll og Þú uppskerð eins og þú sáir.

Inga hóf störf á Sjálandi haustið 2013 og er matráður Sjálands. Inga hefur margvíslega reynslu. Áhugamál Ingu eru: íþróttir s.s. sund, útivera og að ferðast. Mottó: You may fall so many times, but always stand up!

Ingibjörg Ósk hóf störf hjá okkur í maí 2010 fyrst sem atferlisþjálfi, síðan í sérkennsluteyminu og nú sem mannauðsstóri. Hún er með B.S.c. í sálfræði. Ingibjörg er samhliða starfi sínu í Sjálandi í meistaranámi í mannauðsstjórnun við Háskóla Íslands. Ingibjörg hefur fengist við ýmis störf s.s. verið leiðbeinandi á leikskóla ásamt því að vera atferlisþjálfi þar og unnið á sambýli fyrir fólk með þroskaröskun. Áhugamál hennar fyrst og fremst fjölskyldan, prjón, ferðalög um Ísland og bílar. Mottó Ingibjargar er: Það má alltaf gera gott betur!

Ída Björg hóf störf hjá okkur haustið 2008. Hún er með B.ed. í Grunnskólakennarafræðum og kenndi í Flataskóla í 6 ár. Ída Björg er samhliða starfi sínu í meistaranámi í leikskólakennarafræði við Háskóla Íslands. Áhugamál hennar eru útivera og handavinna. Mottó Ídu Bjargar er: Koma fram við aðra eins og þú vilt að aðrir komi fram við þig.

Jolanta hóf störf í Sjálandi árið 2011 og sér um þrif á leikskólanum.

Oddný hefur unnið í Sjálandi síðan í águst 2011. Hún er að klára stúdentinn núna í vor og hefur áður unnið á leikskólanum Bæjarból. Áhugamál Oddnýjar eru útivist, ferðalög og íþróttir.